Поднесена кривична пријава за ,,Загрозување на сигурноста,, поради сериозни закани по живот насочени кон Претседателот на Владата на РС Македонија

Министерството за внатрешни работи соопшти дека, Секторот за компјутерски криминал  ќе поднесе кривична пријава против М.С.(49) од Скопје поради основи на сомневање за сторенo кривичнo делo „загрозување на сигурноста“, казниво по чл.144 од Кривичниот законик.
На 08.12.2019, по добиена пријава за објавени сериозни закани по живот по пат на информатички систем (на социјалната мрежа Фејсбук), насочени кон Претседателот на Владата на РС Македонија, Секторот за компјутерски криминал, по добиена судска наредба, извршил претрес во домот на М.С., при кој биле откриени и одземени предмети во врска со кривичното дело, а лицето е приведено. За случајот бил известен и дежурен јавен обвинител.