Денеска се ставени два од три пункта за дезинфекција на возилата кои влегуваат во општина Штип. Тоа се влезот од Скопје кон Штип кај Републичката полиција, влезот од Струмица и Радовиш кон Штип кај училиштето „Искра“ и дополнително од утре ќе се работи на пункт кај влезот од Кочани кон Штип поточно кај индустриската зона „Македонка“.
Еден пункт е поставен на влезот на Штип од Скопје, а другиот пункт е поставен на влезот од Струмица и Радовиш, односно кај училиштето ,,Искра,,
Полицијата ќе ги контролира сите пунктови кадешто возилата кои влегуваат во градот мора да ги поминат и ќе се изрекува казна доколку одредено возило го заобиколува овој пункт за дезинфекција.
Општина Штип искажа благодарност на три градежни компании коишто излегоа во пресрет на Општината и брзо и ефикасно ги изградија овие пунктови, а тоа се : Коле Транс Инжинеринг, БАУ Инжинеринг и Пелагонија инжинеринг.
