Сабота, 12 часот, празни улици, затворени кафулиња, маркети, продавници и школи. Штип без штипјани, без бучава и сообраќаен метеж.
Улиците на град Штип ќе останат празни до понеделник до 5 часот наутро. Во изминатото деноноќие во Штип се регистрирани дополнителни 6 случаи на Ковид-19.
Во болницата во Штип се хоспитализирани вкупно 13 пациенти потврдени и сомнителни на корона вирус, а уште 13 се следат на домашно лекување. Освен една пациентка кај која има влошување на состојбата, сите останати пациенти се стабилни.
