Денес во Општина Штип се одржа координативен состанок на Општинскиот Штаб за заштита и спасување во проширен состав на кој дополнително присутни беа претставници од АРМ, ЦЈЗ Штип, ДСЗИ Штип, СВР Штип, ЈЗУ Здравствен дом „Панче Караѓозов“, Црвен Крст, ЦУК и Дирекција за заштита и спасување.
На овој втор координативен состанок се разговараше за новонастанатата состојба после воведување на полицискиот час и идните чекори кои треба да бидат превземени од страна на институциите на локално ниво, а се важни за заштита на граѓаните и справување со настанатата ситуација со Корона вирусот, Ковид-19.
„Штабот за заштита и спасување ја разгледа најновата состојба во градот и донесе неколку препораки, информации и заклучоци
? Апелирам граѓаните најсериозно да се придржуваат кон полицискиот час, од вечерва секој кој ќе биде затечен надвор од својот дом после 21 часот ќе биде приведен во полициска станица.
? Од денеска е отворен пункт за тестирање на граѓани. Паркингот позади ЈЗУ “Панче Караѓозов” ќе биде затворен за движење на возила од 08 до 14 часот поради формирањето на овој пункт. Тестирањето ќе се врши исклучиво со упат од матичен лекар.
? Во последните 24 часа има четири тестирани лица од регионот од кои едно лице од Штип и сите се негативни.
? Општина Штип ќе пристапи кон вршење на дезинфекција на влезовите во станбените згради, со оглед на тоа дека досега немам информации колку куќни совети имаат извшено дезинфекција. Нема да дозволиме да бидеме набљудувачи во ваква вонредна состојба затоа што здравјето на граѓаните ни е пред се.
? Општина Штип денеска ги снабди со над 3000 заштитни маски локалните и централните институции на наша територија како АРМ, СВР, Клиничка болница, Здравствен дом, ЈП Исар, ЈП Стипион, ТППЕ, Општина Штип и други институции.
? Затварање на градскиот пазар на ден петок 27.03.2020 година, со цел превенција и заштита на граѓаните.
? Пензионерите, лицата со посебни потреби и лицата со други болести да не ги напуштаат своите домови доколку не е неопходно и да ги користат телефонските броеви на Општина Штип (078 472 621 и 032 226 623) со што мобилните екипи ќе им излезат во пресрет.
? Црвен Крст во соработка со Општина Штип отвори телефонска линија за психосоцијална поддршка на граѓани
074 203 050 од 10 до 13 часот.
? Општина Штип заедно со ЈП „Исар“ и ТППЕ Штип продолжуваат со редовно дезинфицирање на јавните површини.
? Сите институции на локално ниво работат со намален капцитет заради заштита на граѓаните. Овде зборувам за секторите на ЈП Исар како наплатни центри, водовод канализација, зеленило.
? Сите правни субјекти кои користат јавна површина пред деловен објект од периодот на прогласување на пандемија се изземаат од плаќање на комунална такса кон Општина Штип.“ објави на својот профил Бочварски
