Генералниот секретар на Владата Љупчо Николовски, денес на својот фб профил напиша дека пратениците од политичката партија ВМРО-ДПМНЕ покрај тоа што одбиле да дискутираат за обештетувањето на стечајците, тие исто така одбиле и дискусија за второ читање на Законот за минимална плата.
Денес се случи скандал од страна на ВМРО-ДПМНЕ, во Собранието.ВМРО-ДПМНЕ, во комисијата за труд и социјална пoлитика…
Gepostet von Ljupcho Nikolovski am Montag, 11. November 2019
По неговата реакција, веднаш излезе со реакција и портпаролот на ВМРО-ДПМНЕ, Наум Стоилковски кој воопшто не бил присутен таму, а се обиде да го демантира Љупчо Николовски.
Партискиот Генсек Љупчо Николовски (Ljupcho Nikolovski ) на СДСМ и главниот на изборниот им штаб шири лажни вести.По…
Gepostet von Naum Stoilkovski am Montag, 11. November 2019
Како што можеме да видиме, напишаното не е во насока на демант со објаснување дека тие не се против покачувањето на минималната плата или обештетувањето на стечајците што би било лесно да се објасни доколку е вистина во само една реченица. Напротив тој не дава никаков коментар за противењето на дискусијата, туку вели дека не било возможно две точки да се стават на дневен ред. Дали со тоа господинот Стоилковски сака да каже дека е точно тоа дека одбиле да дискутираат за обештетувањето на стечајците?
Факт е дека министерката Мила Царовска на која се обидува да и наметне некаква вина овој господин, заедно со оваа Влада ја покачија минималната плата два пати во рок од три години. Факт е дека додека беше на власт неговата политичка партија и земаа вртоглави суми за патни и други трошоци, во приватниот сектор работници земаа месечна плата во висина од 6000 денари, а стечајците беа на улица. Факт е дека оваа Влада не ги заборави работниците и стечајците првата година од владеењето и сеуште прави напори за извлекување на тие луѓе од сиромаштијата.
Затоа, прашуваме кои се нивните факти и ставови во однос на овие теми, освен тоа што бегаат од дискусии? Тие ниту еднаш како опозиција не излегоа со некаков предлог или барање во корист на работниците, во насока на подобрување на нивните состојби, па на нас граѓаните да ни е чудно што бегаат од дебати. Всушност, поверојатно ни е да бегаат и кога би добиле можност (не дај боже) да ги укинат сите мерки кои ги има спроведено оваа Влада, отколку да седнат и да водат конструктивна дебата на овие теми. А на крај памет, не ни текнува дека би можеле да предложат нешто ново и во корист на работниците и стечајците.
Затоа треба да се засрамат кога се зборува на овие теми, да наведнат глава и најмалку што можат да направат е да ги поддржат и поздрават ваквите мерки, наместо да бегаат од дебати за подоцна очајно да , „демантираат“.
С. М. Живкова
